客 家 通 俗 韻 語
兩耳招風，惡過雷公。
得人錢財，替人消災。
有錢冇錢，回家過年。
人怕人王，鬼怕閻王。
秤不離砣，公不離婆。
人老癲咚，樹老窿空。
一人有福，牽帶滿屋。
口帶天才，邊食邊來。
有樣看樣，冇樣看世上。
一人治一人，門官治灶神。
一夜冇睡目，十夜補唔足。
一好冇兩好，兩好唔到老。
醜人多照鏡，窮人多算命。
莫罵酉時妻，一夜受孤寂。
有命食雞湯，冇命見閻王。
老人愛食湯，後生愛時裝。
細人望過年，大人望耕田。
有錢婚姻早，冇錢等到老。
百貨中百客，伯母中阿伯。
天高不為高，人心比天高。
好心冇好報，好柴燒爛竈。
唔愛嫁得早，就愛嫁得好。
公婆就公婆，床頭相打床尾和。
鴨嫲多懶生卵，子嫂多懶洗碗。
一代親，二代表，三代閑了了。
一回香，二回臭，三回惹人咒。
出門冇老大，各人包袱各人帶。
子女滿間角，唔當老公一隻腳。
豬撐大，狗撐壞，人撐猴精怪。
豬撐大，狗撐壞，人撐猴精怪。
人心高過天，做了皇帝想成仙。
請客莫請女客，請五十來一百。
醜人自有醜人愛，爛鍋自有爛鍋蓋。
有花唔怕冇盆裝，有女唔怕冇婿郎。
夫妻相仇冇過夜，踢踢腳趾又講話
十蕊菊花九蕊黃，十個妹子九像娘。
唔怨天，唔怨地，只怨自家唔爭氣。
朝里冇人莫望官，灶下冇人莫去鑽。
一年算得三次命，冇病也會算出病。
牛耕田馬食榖，各人自有各人福。
有酒有肉接遠親，有災有難喊近鄰。
地理先生冇屋場，算命先生半路亡。
木匠師傅冇眠床，泥水師傅冇浴堂。
老了才來學吹笛，學得會來氣也絕。
食唔窮著唔窮，冇劃冇算一世窮。
親姊親妹親如水；認姊認妹認把嘴。
著襪唔知腳下暖；脫襪正知腳下寒。
木匠家裡冇凳坐，和尚廟里鬼唱歌。
男人三十一枝花；女人三十豆腐渣。
油鹽柴米醬醋茶，冇錢唔會到𠊎家。
講就講，笑就笑，動手動腳冇家教。
臉小怨人屁股大，臉醜唔得鏡子壞。
轉外家，害自家，鍋蓋生塵菜打花。
盤就盤，碗就碗，心舅唔使家官管。
好打一身傷，好賭一身光，好嫖一身瘡。
食早飯飽一日飽；嫁好老公一世好。
食肉唔當養肉，看戲唔當聽曲，聽曲唔當睡目。
寧可得罪城隍土地，唔好得罪家裡玉皇大帝(妻子)。
